amalinks wokungena

Breaking News

UMujuru Ukhalala Ukuya kuPolitburo


Idale leZanu PF Politburo lihlangane ngoLwesithathu lihlaziya udaba lokuguqulwa kwesisekelo salelibandla okuzanika uMongameli Mugabe amandla okukhetha abasekeli bakhe bobabili kanye lomgcinisihlalo webandla.

Ngemfanelo, abathathu laba kumele bakhethwe emhlanganweni walelibandla omkhulu oweCongress, ozakwenziwa ngenyanga ezayo.

Kodwa ukulwisana phakathi kwecele elikhokhelwa nguMnu Emmerson Mnangagwa lelikhokhelwa nguNkosikazi Joyce Mujuru yikho okwenze abanye kulelibandla bathi kuthathwe lelinyathelo.

Abakucele likaMnangagwa yibo abakhankasela kakhulu lokhu emizameni yokwenqabela icele likaMujuru ukuthola izikhundla kuCongress.

UNkosikazi Mujuru, yena onqotshwe kukhetho lokungena kudale leCentral Committee yalelibandla, ubikwa engahambanga emhlanganweni wePolitburo.

Iziphathamandla zalelibandla ezinengi ezibikwa zisekela uMujuru lazo ziqhubeka zisuswa ezikhundleni ngabantu abasekela uMnangagwa.

XS
SM
MD
LG