WASHINGTON DC —
Ele Melika selinikeze ele Zimbabwe izigidi phose ezilikhulu zamadollar-$95 million yokusebenzisa enhlelweni zokulwisana lokumemetheka kokuthelelanwa kwegcikwane lengculaza i- HIV/Aids.
Uhulumende weMelika uphe lesi sipho soncedo phansi kwesikhwama se President’s Emergency Plan for Aids Relief- PEPFAR, namhlanje eHarare oluzasetshenziswa lonyaka ukulwisana lokumemetheka kwegcikwane kanye leminye imikhuhlane ephathelane lengculaza efana lofuba lweTB.
Umqondisi wePEPFAR eZimbabwe, uMegan Petersen, utshele abakade besembuthanweni wePEPFAR’s Country Operational Plan (COP) ukuthi lolu ncedo luza qondiswa ekuthengeni imithi lamaphilisi kanye lokupha imfundiso eneleyo abasebenza enhlanganisweni ezilwela ilungelo labaphila lengculaza.
Ummeli weMelika eZimbabwe, umnumzana Bruce Wharton, laye obekhona embuthanweni lo uthe uhulumende welizwe lakhe uzinikele ukusebenzelana lohulumende wezimbabwe ekulwiseni ukuvimba ukumemetheka lokuthelelanwa kwegcikwane lengculaza.
Nyakenye eleMelika uthi linikeze isipho soncedo lwamaARV’s ebantwini abedlula inkulungwane ezilikhulu lamathsumi amane-140 000 njalo bakhangelele ukuthi leli nani liqonge lonyaka.
Lokhe lesi sikhwama sePEPFAR sasungulwayo ngomnyaka ka 2003, eleMelika seliphe ingxenye yebillion lamadollar enhlelweni zokulwisana lokumemetheka kokuthelelanwa kwegcikwane eZimbabwe.
Abangene lumbuthano bagoqela iziphathamandla zogatsha lwezempilakahle kanye labenhlanganiso ezitsheyeneyo ezisemsebenzini wezempilakahle ikakhulu ezokulondolozwa kwelungelo labaphila legcikwane. Ezinye inhlanganiso ebezisembuthanweni munye bezikhala ngokuthi isikhathi esiziphiwe zokusa inhlelo zazo zokusetshenziswa kwalolu ncedo lwePEPFAR sikamhlaka 7 February sincane kakhulu kodwa uPetersen uthi lesi sikhathi kasisoze siguqulwe ngoba vele uhulumende welizwe lakhe usesele emuva enhlelweni zakhe zalonyaka okumele ngabe seziqalisile kudala.
Uhulumende weMelika uphe lesi sipho soncedo phansi kwesikhwama se President’s Emergency Plan for Aids Relief- PEPFAR, namhlanje eHarare oluzasetshenziswa lonyaka ukulwisana lokumemetheka kwegcikwane kanye leminye imikhuhlane ephathelane lengculaza efana lofuba lweTB.
Umqondisi wePEPFAR eZimbabwe, uMegan Petersen, utshele abakade besembuthanweni wePEPFAR’s Country Operational Plan (COP) ukuthi lolu ncedo luza qondiswa ekuthengeni imithi lamaphilisi kanye lokupha imfundiso eneleyo abasebenza enhlanganisweni ezilwela ilungelo labaphila lengculaza.
Ummeli weMelika eZimbabwe, umnumzana Bruce Wharton, laye obekhona embuthanweni lo uthe uhulumende welizwe lakhe uzinikele ukusebenzelana lohulumende wezimbabwe ekulwiseni ukuvimba ukumemetheka lokuthelelanwa kwegcikwane lengculaza.
Nyakenye eleMelika uthi linikeze isipho soncedo lwamaARV’s ebantwini abedlula inkulungwane ezilikhulu lamathsumi amane-140 000 njalo bakhangelele ukuthi leli nani liqonge lonyaka.
Lokhe lesi sikhwama sePEPFAR sasungulwayo ngomnyaka ka 2003, eleMelika seliphe ingxenye yebillion lamadollar enhlelweni zokulwisana lokumemetheka kokuthelelanwa kwegcikwane eZimbabwe.
Abangene lumbuthano bagoqela iziphathamandla zogatsha lwezempilakahle kanye labenhlanganiso ezitsheyeneyo ezisemsebenzini wezempilakahle ikakhulu ezokulondolozwa kwelungelo labaphila legcikwane. Ezinye inhlanganiso ebezisembuthanweni munye bezikhala ngokuthi isikhathi esiziphiwe zokusa inhlelo zazo zokusetshenziswa kwalolu ncedo lwePEPFAR sikamhlaka 7 February sincane kakhulu kodwa uPetersen uthi lesi sikhathi kasisoze siguqulwe ngoba vele uhulumende welizwe lakhe usesele emuva enhlelweni zakhe zalonyaka okumele ngabe seziqalisile kudala.