amalinks wokungena

Breaking News

EleZimbabwe Lithola $30million Phansi Kwesikhwama sePEPFAR


Ambassador Bruce Wharton
Ambassador Bruce Wharton
Uhulumende weMelika usungula uhlelo loncedo oluphiwa eleZimbabwe lwezigidi ezingamatshumi amathathu zamadola-$30million phansi kwesikhwama se President’s Emergency Plan for Aids Relief - PEPFAR, izakwabiwa ukuze isetshenziswe phakathi kweminyaka emihlanu elandelayo.

Uhlelo lwesikhwama lesi lukhangelelwe ukuphathisa izisebenzi zezempilakahle ezedlula inkulungwane ezithoba minwe mbili - 8,000, endaweni eziyinkulungwane lengxenye-1,500 elizweni lonke.

Ekhuluma embuthanweni wokusungula lolu hlelo eHarare ngoLwesine ummeli weMelika eZimbabwe umnumzana Bruce Wharton, uthe uhulumende welizwe lakhe uzimisele ukuqhubeka esebenzelana leleZimbabwe ekulwiseni ukumemetheka kokuthelelanwa kwegcikwane lengculaza ele HIV.

Uqhubeke ethi lezi nhlelo zizaqondiswa ikakhulu emaphandleni okwenze bathengela lolu hlelo izimotha ezedlula amatshumi amabili ukuze zenelise ukufinyelela indawo zemaphandleni ezilemigqwaqo engahambekiyo.

please wait

No media source currently available

0:00 0:00:33 0:00
Lapho esitholakala khona
XS
SM
MD
LG