amalinks wokungena

Breaking News

'Ungumxabanisi uNkosikazi Mugabe'


Ibandla leMDC-T selilandule imbiko kaNkosikazi Grace Mugabe eyokuthi lisebenzelana lamanye amalunga eZanu PF emizameni yokugenqula umkakhe uMongameli Robert Mugabe embusweni.

Ekhuluma emhlanganweni awenzele eGweru ngoMvulo, uNkosikazi Mugabe uthe abadlelana leMDC laba yizitha zeZanu PF.

Kodwa isikhulumeli seMDC-T uMnu Douglas Mwonzora wethule umbiko namuhla esithi ingamanga imbiko kaMugabe.

Wengeze wathi lanxa ingamanga imbiko le, iziphathamandla zeZanu PF ezilezikhundla eziphezulu yizo ezihlezi zicela usizo kubandla lakhe, olokususa iZanu PF embusweni.

Ekhuluma ngoMvulo njalo uNkosikazi Mugabe uthe abagcinisihlalo beZanu PF emadolobheni afana leHarare lakoBulawayo kumele bexotshwe ngoba besehluleka ukuqoqa ibandla ukuthi linqobe iMDC kulawa madolobho.

NgoLwesibili uNkosikazi Mugabe uhlangane labakhokheli bamabandla ezokhulo eMazowe.

Abanengi bathi ngembiko yakhe ayethula phose nsuku zonke esola abanye bakhe kuZanu PF, uNkosikazi Mugabe sebangele ukufuthelana lokudonselana okukhulu kulelibandla.

Omunye wabalombono lo yingcwethi ecubungula ezombusazwe uMnu Mlamuli Nkomo.

XS
SM
MD
LG