amalinks wokungena

Breaking News

UNkosikazi Grace Mugabe Ungena Kwezombusazwe


Idale lamakhosikazi ebandla leZanu PF, iWomen’s League libikwa lithe lifuna ukuthi unkosikazi Grace Mugabe kumele abe ngumgcinisihlalo walo.

IPhephanda le The Sunday Mail lithi ongumgcinisihlalo wedale leli, uNkosazana Oppah Muchinguri nguye okhokhela umkhankaso wokuthi unkosikazi Mugabe athathe isikhundla sakhe.

NgeSonto kube lomkhosi wokunanza ilanga lokuzalwa kukaNkosikazi Mugabe endlini yakhe yokugcina abantwana eMazoe lapho amakhosikazi ebandla leZanu PF agcizelele usekelo lwakhe. Kodwa umsekeli kaMongameli, uNkosikazi Joyce Mujuru ubengekho okwenze abantu bacabengele ukuthi uzondile ngoba engafuni ukuthi uNkosikazi Mugabe athathe lesi sikhundla.

Kodwa iphephandaba le The Sunday Mail lithi akusiloqiniso lokhu ngoba uNkosikazi Mujru ubebambekile.

Kodwa ingcwethi ecubungula ezombusazwe, uMnu. Max Mkandla utshele iStudio Seven ukuthi kukhanya uMongameli Mugabe efuna ukuthi inkosikazi yakhe imelame kwelakusasa.

please wait

No media source currently available

0:00 0:02:03 0:00
Lapho esitholakala khona

XS
SM
MD
LG