amalinks wokungena

Breaking News

UNkosikazi Mugabe Uthi Idegree Lakhe Ngelokuphathisa Omama


Esethula amazwi akhe abantwini kade bengabanengi njengabakade bese Gwanda, uNkosikazi Mugabe uthe ufunde waze waba lesicoco se Doctorate ngoba efuna ukuphathisa abesifazane.

Inkokheli yesigaba seMatableland North yamukele uNkosikazi Grace Mugabe ngenjabulo yamuthi nguMaNcube ngoLwesibili enkundleni ye Somhlolo eLupane ekuqhubekeni kohambo lwakhe lokwethekelela izigaba zelizwe.

\Inkokheli yeZanu PF ebisemhlanganweni lo ibibalisa abanye abacatshangelwa ukuthi bakucele leZanu PF elikhokhelwa nguMnu. Emmerson Mnangagwa kunye lekhokhekhelwa nguNkosikazi Joyce Mujuru yona ethiwa kayisekeli ukungena kwezombusazwe kukaNkosikazi Mugabe.

Inkokheli ebikhona ibalisa uMnu. Obert Mpofu, uNkosikazi Sithembiso Nyoni, uMnu. Naison Khutshwekhaya Ndlovu loMnu. Simona Khaya Moyo. Esethulela inkundla uNkosikazi Mugabe umgcinisihlalo webandla leli esigabeni seMatabeleland North, uMnu. Richard Ndlovu yena olegama lesiNdebele, elithi Ntombizodwa, umbize ngokuthi nguMaNcube.

Kodwa esethula amazwi akhe uNkosikazi Mugabe uthe yena uzwisisa ngcono isiZulu njengomuntu owazalelwa kwele South Africa kodwa wathembisa ukuthi usezafunda ulimi lwesiNdebele.Kodwa engekethuli amazwi akhe iziphathamandla zebandla leZanu PF, uMnu. Phillip Chiyangwa loMnu. Themba Mliswa babikwa bephoselane aqatha ngemva kokuba uChiyangwa ethe uMliswa uthe sekule Gamatox.

Ababili laba babikwa bephikisane ukuthi uGamatox kanti vele ngubani kodwa bacina bekhumisana umlotho babonakala sebezihlekela.

Esethula amazwi akhe abantwini kade bengabanengi njengabakade bese Gwanda ngoMvulo, uNkosikazi Mugabe okhulume okwemizuzo engaphansi kwehola elilodwa uthe wafunda waze waba lesicoco se Doctorate ngoba efuna ukuphathisa abesifazane.

Ngemva kwamazwi akhe uNkosikazi Mugabe uhanjiswe ukuyabuka inyamazana zendle eHwange National Park. NgoLwesithathu ukhangelelwe ukuya koBulawayo embuthanweni athi ngowokubonga abamkhethayo ukuthi akhokhele uhlangothi lwabesifazane kubandla leZanu PF.

Ilunga ledale leCentral Committee yebandla leZanu PF, uMnuJoseph Tshuma utshele iStudio Seven ukuthi ukungena kwezombusazwe kukaNkosikazi Mugabe sekunike idlabuzane ibandla leli.

XS
SM
MD
LG