WASHINGTON DC —
Umdlali olodumo emdlalweni wenguqu uPeter Ndlovu usekhethwe ukuba anikwe isicoco sokudlala kakuhle emdlalweni wenguqu empilweni yakhe ese Zimbabwe Sports Hall of Fame.
UNdlovu unikwa lesi sicoco ngokudlala kwakhe okubukekayo elizweni laseZimbabwe, ekuqembu elimmela isizwe elama Warriors ephakamisa iflag yeZimbabwe njengokhaphutheni walo kanye lokudlalela amaqembu athile eNgilandi laseSouth Africa.
Nguye yedwa ukhaphutheni weZimbabwe owenelisa ukukhokhela iqembu lama Warriors elangena kumafinals awemincintiswano emibili eye Africa Cup of Nations ngo 2004 langomnyaka ka 2006.
Waba njalo ngumdlali onsundu wakuqala ukuba ngumdlali odlale kakuhle kumaqembu wonke ayedlala kwele Ngilandi ngomnyaka ka1992 esigabeni seEnglish Premiership.