Omela iBulawayo East edale lephalamende, uNkosazana Thabitha Khumalo owebandla leMDC-T uhlawiliswe amadola amahlanu-$5, esetheswa icala lokuhlubula izembatho wasala elesigqoko sangaphakathi ngemva kokupha omunye untombazana obedatshulelwe izigqoko wasala enqunu, ngabacatshangelwa ukuthi ngabasekeli bebandla le Zanu PF.
Lokhu kwenzakale ngemva kobudlangudlwangu obuqhamuke emzini we Njube koBulawayo lapho okukade kulomhlangano obumele ukhokhelwe ngumongameli webandla uMnu. Morgan Tsvangirai. Kodwa uTsvangirai ubengekho emhlanganweni lo ngemva kokusuka ngesiphangiphangi esiya eHarare lapho amapholisa kade egombolozele amahofisi ebandla lakhe atshaya izisebenzi.
UKhumalo utshele uChris Gande weStudio Seven ukuthi amapholisa bawatshelile ukuthi ngobani abenze isiga sokudabulela abasekeli be MDC-T izembatho kodwa bala ukuthatha amanyathelo babopha yena besithi uhlubuleleni izembatho.
