amalinks wokungena

Breaking News

UTsvangirai Ududuza Imuli yakoBloch


Umkhokheli weMDC-T uMnu Morgan Tsvangirai ngoLwesibili uthumele amazwi endunduzo emulini kaMnu Eric Bloch yena obhubhele koBulawayo ngoMgqibelo.

UMnu Bloch ubeyingcwethi kwezenotho ehloniphekayo njalo wake waba ngumcebisi webhanga elikhulu lelizwe eleReserve Bank of Zimbabwe.

Uzabekwa ngoLwesithathu emathuneni eAthlone Cemetary koBulawayo.

Emazwini akhe uTsvangirai uthe uBloch ubengumuntu ololwazi olujulileyo kwezenotho njalo obethanda ilizwe lakhe.

UBloch ngomunye wengcwethi ebezisipha imbono yazo kuStudio 7.

Isiphathamandla seMDC-T uMnu Abednico Bhebhe uchaze uBloch njengeqhawe lamaqhawe.

XS
SM
MD
LG