amalinks wokungena

Breaking News

Wharton: Zilakho Ukukhitshwa Izijeziso Zenotho KweleZimbabwe


U-ambassador Bruce Wharton evalelisana lentathelizindaba eHarare
U-ambassador Bruce Wharton evalelisana lentathelizindaba eHarare

Osegqiba umsebenzi wakhe wokuba ngummeli weMelika eZimbabwe, uMnu. Bruce Wharton, uthi kusadingakala ukuthi uhulumende ahloniphe ilungelo loluntu, alandele imithetho kanye lokuhlonipha izinqumo zemithethwandaba ukuze uhulumende welizwe lakhe aguqule indlela adlelana laleli lizwe ahlolisise lezijeziso ezikhona okwamanje.

Ekhuluma emkhosini wokuvalelisana lentathelizindaba lamhlanje ekuseni uWharton uthe lanxa isimo sobudlelwano belizwe lakhe leZimbabwe sobuthuthuke kancane akweneli ukuthi ukuthi kuhle kukhutshwe izijeziso lezi, ngoba uhulumende lokhe eqhubeka ethathela abamhlophe amaphulazi, engalandeli izinqumo semithethwandaba njalo esephula ilungelo loluntu.

UWharton uthi umthetho welizwe lakhe owaletha lesi zijeziso owe Zimbabwe Democracy and Economy Recovery Act-ZIDERA, ubeka sobala ukuthi lezi zijeziso aziqondiswanga emuntwini wonke odabuka eZimbabwe kodwa kwabalutshwana njalo uhulumende weMelika kungeke kwaba nzima kuye ukuthi akhiphe lezi zijeziso ngesikhatshana umumo ungaguquka elizweni kwezombusazwe.

Umthetho weZIDERA uWharton uthi lanxa abanye bewusola yiwo osetshenziswa ukuqondisa uncedo lukahulumende weMelika oludingakalayo kulabo okumele baluthole phansi kwenhlelo zenhlanganiso ezitshiyeneyo ezifana lolwe International Monetary Fund Staff Monitored program.

Uambassador Wharton osegqhiba umsebenzi wokummela eleMelika eZimbabwe okweminyaka emithathu edluleyo uthi uphathe inhlelo ezinengi wasebenza gadalala ukuthi ubudlelwano bamazwe womabili buthuthuke obe sobububi okwamagama eminyakeni edlule, okwenze inani labakade bekuluhlu lwezijeziso lehla okwamagama.

Ugcaze umongameli Robert Mugabe njengesilo sezwekazi leAfrica, umkhokheli olohlonzi owakhulula ilizwe lakhe njalo wasebenza gadalala lenkokheli yamanye amazwe angezansi kwezwekazi leAfrica eye SADC ukukhulula amanye amazwe ayesasalele esembusweni wabahuquluzi benotho, emazwini akhanya ukuthi uyamhlonipha.

Udaba lobengummeli weMelika eZimbabwe uMnu. Wharton evalelisana lentathelizindaba
please wait

No media source currently available

0:00 0:02:26 0:00
Lapho esitholakala khona

XS
SM
MD
LG