amalinks wokungena

Breaking News

Uyasolwa Uhulumende Ngodaba LweChingwizi


Amagqwetha amela izakhamizi zeChingwizi ezingamatshumi amabili lasitshiyagalolunye ezetheswa icala lokubangela udlakela kanye lokutshisa izimota zamapholisa acele idale likamantshi eChiredzi ngoLwesithathu ukuthi lesule icala leli ngoba kungelabufakazi.

Abantu laba babotshwe ngempelaviki kulandela ukutshengisela kwezakhamizi phezu kwemizamo kahulumende yokususa ikiliniki eziyisebenzisayo ihanjiswe kwenye indawo ekhatshana.

Amagqwetha amela abantu laba acele umantshi namuhla ukuthi abakhulule njalo esule icala abaletheswayo ngoba kungela bufakazi obuveza ukuthi yibo abalidalayo.

Kunjalo nje inhlanganiso yeZimbabwe Peace Project isole kakhulu uhulumende ngokuhlukuluza abantu beChingwizi, bona abasuswa emizini yabo kulandela ukudubuka kwedamu leTokwe-Mukozi.

IZPP ithi uhulumende kumele abumbe ikomidi ezakhangela ukwephulwa kwamalungelo abantu laba njalo ithi iZimbabwe Human Rights Commission kumele ingenele.

Ibandla leMDC Renewal Team lalo lethule umbiko lisola kakhulu indlela abantu laba abaphathwa ngayo nguhulumende lamapholisa.

Sixhume umabhalane wogatsha lweSocial Welfare kulelibandla uNkosikazi Lucia Matibengwa yena othe uhulumende kumele alungisise loludaba ngokuphangisa.

XS
SM
MD
LG