Inhlanganiso elwela ilungelo loluntu eye Crisis Coalition Zimbabwe ithi isethule isikhwama samadola azinkulungwane ezimbili ezaphiwa ozakupha ubufakzi bokuthi intathelizindaba eyathunjwayo, uMnu. Itayi Dzamara engabe engaphi.
Linhlanganiso ithi njalo izakhuthaza uzulu ukuthi angene ezitaladeni atshengisele ngokunyamalala kuka Dzamara oselamaviki phose amane engaziwa ukuthi ungaphi ngemva kokuthathwa ngabantu abacatshangelwa ukuthi ngamapholisa ensitha egele inwele emuzini we Gleview.
UChris Gande weStudio Seven uxoxe lesiiphathamandla salinhlanganiso uMnu. Nixon Nyikadzino othi balethemba lokuthi limali ezakwenza abalolwazi lokuthi uDzamara ungaphi baphumele egcekeni.
Kunjalo nje, omunye owenhlanganiso ka Dzamara i Occupy Africa Unity Square, uMnu. Charles Nyoni utshele uChris ukuba bayasamukhela isikhwamama se Crisis.