Uzulu kunye lengcwethi zamasiko zamukele ngenjabulo ukubotshwa komunye wabamemezela imitshovha, owetheswa icala lokudabula izigqoko zentombazana besithi kazilunganga.
Text: U Marvelous Kandemiri,oleminyaka engamatshumi amathathu lambili – 32years, wetheswa umlandu wokukhokhela iqula elaphatheka kusehlakalo sokuhlukuluzwa kowesifazane oleminyaka engamatshumi amabili lasitshiyagalombili – 28years,endaweni lapho kugadelwa khona imitshovha yaku Fourth Street eHarare,ngoba kuthiwa akaqhokanga okulenhlonipho.
Lesi senzo, esisakazwa ebulenjini be Internet sicunule uzulu ilizwe lonke.
UMnu. Joram Chuma wasemzini we Waterfalls utshele istudio seven ukuba lokhu yikwenza kwabantu asebelahleka kusimilo sabo becatsha ngesintu abangasizwisisiyo.
Kuthi unkosikazi Janet Magombo wasemzini weMabvuku yena uthi ufuna amapholisa aphathe umsebenzi wawo, babengumzekeliso lababenza lolu.
Ingcwethi kwezamasiko lazo zithi zikhathazekile ngalesi senzo zisithi kazivumelani lesijeziso esiphiwa abenza lesi siga.
U Dr Themba Petros Ndlovu ongunobhala jikelele ehlangothini lwe Zimbabwe National Commission for UNESCO ungomunye walezingcwethi.
UNdlovu uthi lokhu kuyikwephula amalungelo oluntu, kungasekho kuhloniphana njengalokho okutshiwo lisiko lesintu.
Uzulu usole amapholisa ethi zinengi izehlakalo zaloluhlobo ezenzakala nsuku zonke kakhulukazi e Harare kodwa engekho ojeziswayo.
Isikhulumeli samapholisa ilizwe lonke u Chief Superintendent Paul Nyathi utshele intathelizindaba ukuba bazabotshwa abanengi ngoba bebonakala kumfanekiso kamabonakude osakazwe ebulenjini.
Intathelizindaba yethu uMavis Gama usethulela loludaba ngokugcweleyo.
