Inhlanganiso Ezizimeleyo Zisola URegistrar General Mudede

Inhlanganiso Ezizimeleyo Zisola URegistrar General Mudede

<h1>Inhlanganiso Ezizimeleyo Zisola URegistrar General Mudede</h1><img src="http://www.voandebele.com/App_Themes/VOA_nd/img/colorLogo.gif"/>Uhulumende usechothoze inhlanganiso ezizimeleyo esithi kazethuleli abantu imbiko eliqiniso ngokuphathelane lohlelo lokuvota elizweni.<br /> <br /> Esethulela intathelizindaba lumbiko ngoLwesine, uMnu Tobaiwa Mudede uxotshe intathelizindaba yephephandaba elizimeleyo ele The Daily News kulumhlangano.<br /> <br /> Inhlanganiso ezimeleyo eye Zimbabwe Democracy Institute isanda kwethula umbiko othi ukhetho oluzayo alusoze lube ngolukhululekileyo ngoba isola indlela inhlanganiso kahulumende ebona ngokuqhutshwa kokhetho eye Zimbabwe Election Commission (ZEC) kanye lehofisi kamsitheli esebenza ngayo.<br /> <br /> Kusanda kubotshwa amalunga enhlanganiso yeZIMRIGHTS ngokwethula umbiko uhulumende athi awuqondanga ngoluhlu lwabantu abazavota elizweni, iVoters&#39; Roll.<br /> <br /> Uveze ukuthi abantu ababhalisele ukuvota elizweni bedlula kancane izigidi ezinhlanu lamakhulu amahlanu-5,589 355 inani elehle kakhulu kulelanyakenye. Inani leli likhangelelwe ukuqansa sekubhaliselwa ukuvota ngenyanga ezayo.<br /> <br /> UMnu . Effie Dlela-Ncube, ingcwethi ecubungula ezombusazwe, njalo engumgcinisihlalo wenhlanganiso ezimeleyo eyeMatabeleland Constitutional Reform Agenda, utshele uSithandekile Mhlanga weStudio 7 ukuthi okwenziwe nguMudede akuqondanga ngoba inhlanganiso ezizimeleyo zivunyelwe ukusebenza elizweni lokwethulela abantu ezikubonayo.<br /> <br /> <div class="tag_image tag_audio_plain" contenteditable="false" mode="audio|plain|241758"> Ingxoxo LoMnu. Effie Dlela-Ncube<img alt="" src="../../../img/spacer.gif" title="This is just placeholder, it will be replaced public site." /></div><link rel="canonical" href="http://www.voandebele.com/content/voters-roll-mudede/1569915.html"/><meta name="syndication-source" content="http://www.voandebele.com/content/voters-roll-mudede/1569915.html"/><img src="http://livetracker.voanews.eu/counter.lt?PageType=256&RecordId=1569915&SiteId=430&r=1677571636&it=0&pd=20121221171754&url=ArticleID1569915" alt="" style="border:none;" height="1" width="1">

Copy to clipboard Close