amalinks wokungena

Breaking News

WFP: Kudingeka Izigidi Zemali Yokuthengela Abalambayo Ukudla


Inhlanganiso ephathisa abantu abalambayo ngokudla emhlabeni jikelele, iWorld Food Program, ithi abantu abayisigidi esisodwa lengxenye babhekane lendlala ambi lonyaka eZimbabwe.

Ngalokho, ithi idinga imali engange zigidi ezingamatshumi amahlanu lasithupha zamadola eyokuthengela abantu laba ukudla kuze kuyefika isivuno somnyaka olandelayo.

EleZimbabwe lithole isivuno esiyingcosana lonyaka ngenxa yezulu elingananga kuhle njalo isivuno lesi sehle kakhulu nxa siqathaniswa lesanyakenye.

Lokhu kutshiye izakhamizi ezihlala ezigabeni ezigoqela iMatabeleland North, iMatabeleland South, Midlands, Masvingo lezinye indawo zibhekane lendlela.

Isikhulumeli seWFP uMnu David Orr utshele iStudio 7 njalo ukuthi abantwana abanengi abaleminyaka yokuzalwa ephakathi kwenyanga eziyisithupha leminyaka emihlanu kabatholi ukudla okufaneleyo njalo okwakha umzimba.

Izakhamizi endaweni ezitshiyeneyo zibikwa sezithengisa izifuyo ngemali ephansi kakhulu ukuze zithole imali yokuthenga impuphu lokunye ukudla, kutsho isakhamuzi sakoMadlambudzi ePlumtree uThamani Ncube.

please wait

No media source currently available

0:00 0:02:28 0:00
Lapho esitholakala khona
XS
SM
MD
LG