amalinks wokungena

Breaking News

Woza Friday: Iqembu le-Izwi Lesiphelo Ledlalade Elitsha Elithi "Ngenzintando kaBaba"


Izwi Lesiphelo
Izwi Lesiphelo

KuWoza Friday liviki uBenedict Nhlapho uliqhunsela idlalade elitsha njalo elesithathu elivela kuqembu lezokholo ele Izwi Lesiphelo. Lelidlalade elithi "Ngenzintando kaBaba", elilengoma ezilitshumi lambili litshaya lithophele enhliziyweni.

Leli lidlalade elitsha leqembu le Zwi Lesiphelo elikhokhelwa yintombendala uCaroline Ncube. Lelike elithi Ngenzintando kaBaba, ngelesithathu, kulandele u"Kuyesulwa Izinyembezi" elika 2001 lelithi Ngale Kwelanga abalethule ngo 2013.

UCaroline uthi kuleli dlalade bakhethe ukuthinta inhlinziyo ngokusebenzisa iziginci ezipholileyo.Uthi ezihamba phambili engomeni ezilitshumi lambili ezikulelidlalade zigoqela ethi Phezulu enkosini, kuze uNkosi Yami, kubuye Ungithethelele lezinye.

Inengi lazoke ziyawududuza umphefumulo ohlukumezekileyo, ziyithobe inhliziyo edabukileyo njengale ethi ngiphe amandla baba.

Ngokutsho kuka Caroline ingoma zabo zeyeme ezwini bekhangele kakhulu inhlupho ezihlangana labantu emhlabeni. UCaroline uthi lobanje umkakhe uMxolisi Ncube engaculi labo kuleliqembu, nguye obasekela ngakho konke abakudingayo njengeqembu kugoqela lokubalobela ezinye zengoba abaziculayo.

Lobanje amalunga eqembu leZwi Lesiphelo engena ibandla le 12 Apostle Church, ezinye zengoma zabo zilomdumo lamazwi athethwe esihlabelelweni samaSabatha njengale ethi Nxa esefikile.

Akathandabuzi uCaroline ukuthi ikusasa labo limhlophe nke. Kantike uthi abakucela kakhulu kuMdali yizibusiso kubo njengabaculi kanye lakubalandeli.

Bona baphuma enkundleni ngale ethi Jesu hlala nami ngoba umhlabuyahlaba nxa ungekho. Bathi thintana labo lawe uzitholele elakho idlalade elithi "Ngenzintando kaBaba".

please wait

No media source currently available

0:00 0:06:18 0:00
Lapho esitholakala khona

XS
SM
MD
LG