amalinks wokungena

Breaking News

Woza Friday: Idlalale Elitsha Leqembu eleAmabhukudwana.


Iqembu lomculo elaMabhukudwana
Iqembu lomculo elaMabhukudwana

KuWoza Friday liviki siliphathele idlalale elitsha njalo elingelesibili elivela kuqembu lomculo kaMaskandi ele Amabhukudwana. UBenedict Nhlapho uxoxe lalezi insizwa zona ezithi idlalade lazo leli elithi, “Khuzani amaphoyisa,” limumethe umlayezo ongajwayelekanga.

Lezi zinsizwa zeqembu likaMaskandi ela Mabhukudwana. Bangene kwezomculo ngo 2009 laba bafana kantike leli sekulidlalade labo lesibili.

Kulelike bangcenga uMongameli Zuma, okaMsholozi, UNxamalala, ukuthi alamulele abeZimbabwe njengoba sebeyathe babhoda ngapha langale, ngqwa-ngqwa lamapholisa afuna imali yesifumbathiso, ukuze bengabotshelwa ukuba selizweni ngokungekho emthethweni.

UPhanankosi Ngwenya ongomunye wabasunguli baleli qembu uthi abeZimbabwe bathwele amagabha avuzayo eGoli.

Zilitshumi lambili ingoma ezikuleli dlalade kugoqela yona ethi Khuzani Amapholisa, kube lethi uMthakathi, kuze uLobola Ndoda lezinye. UPhana uthi kugcwele ezifundisa amasiko.

Akuthandabuzekike ukuthi zinsizwa zomdabu ngendlela abatshaya ngayo ivokloklo nxa sebehlabelela. UPhana uthi lelidlalade litshaya ngqo esidikidikini senhlupho ezibhekane labeZimbabwe abasemazweni.

Lezi insizwake sezibumbe amaqembu amathathu, elithi Amabhukudwana, Intombizombango lelithi Insukamini kanti wonke womathathula aphansi kwegama elithi aMabhukudwana Music. UPhana uthi othole lelidlalade ngeke azisole.

UJunior Ngwenya laye olesandla ekusungulweni kwaleli qembu uthi le ethi Ngwalo Ngwalo kaMatshobana, yiyo evusa abantu bebheke ngawayizolo njengoba beyitshaya kuze kuse.UJunior uthi mhlabesethula lelidlalade kubalandeli babo eGoli kwasukuthulesamendeni. Uthike ungangena ebulenjini be internet uzingele Amabhukudwana, Insukamini loba Intombizombango ngeke uphinde ulizwele emzini lelidlalade.

Sebebuzwake ukuthi kambe kabesabi yini ukuthi bangalibotshelwa lelidlalade elicebela amapholisa kuMsholozi, lezi insizwa zithi ngcingci kandoyi njengoba eSouth Africa wonke umuntu ulelungelo lokusola mgceke loba ngubani omhlukumezayo.

Woza Friday: Iqembu lomdumo kaMaskandi elaMabhukudwana
please wait

No media source currently available

0:00 0:06:28 0:00
Lapho esitholakala khona

XS
SM
MD
LG