Kuliviki kuhlelo lwe Woza Friday sileqembu elicula ingoma zokholo lisebenzisa amaphimbo amnandi ele Men of Influence.
Iqembu le Men of Influence libunjwe ngomnyaka ka 2010 limanyaisa amajaha ayithoba minwe mbili akhonza kubandla lokholo lwesiKrestu ele Brethren In Christ elokitshini le Lobengula koBulawayo. Leliqembu lisanda kuhwatsha idlalade lalo lakuqala elilesihloko esithi Ngomhla Wenjabulo.
Idlalade leli licindezelwe ngu Joe Maseko eHouse of Rising Sound Studios njalo liqukethe ingoma eziyithoba munwe munye ezigoqela ethi Jesus the Author, Ngomhla Wenjabulo, Zimbabwe Shine, Igama Elithi Jesu, Cover Me Lord, Kanye Nawe Nkosi, Umthombo, Inhlonipho kanye lale ethi Ngembathise.
Iqembu le Men of Influence liphathiswe ekucindezeleni idlalade lalo nguOscar Siziba oweqembu le Impumelelo Shining Stars ikanti obekhalela nguMlindeli Moyo, uMthandazo Nyoni ubetshaya iAlto, iTenor ibiculwa ngu Polite Ntini, kuthi amajaha abebhonga ehlabela iBass ngu Obvious Ncube, uWishes Madondo kanye lo Desmond Tshele.
UNyoni ukhuthaze abalandeli bomculo ukuba bebasekele ngokuthenga lelidlalade.
Inengi lezingoma ezitholakala kudlalade leli elithiwa Ngomhla Wenjabulo zibhalwe ngamalunga eqembu le Men of Influence ngaphandle kwezimbili abazithethe esihlabelelweni.
Lezi ngezigoqela ethi Cover Me Lord kanye lethiwa Kanye Nawe Nkosi.
