amalinks wokungena

Breaking News

Woza Frdiay: Iqembu le Bulawayo Knights Ledlalade Labo Elitsha


Iqembu lomculo ele Bulawayo Knights
Iqembu lomculo ele Bulawayo Knights

Kuliviki kuhlelo Wiza Friday sileqembu le Bulawayo Knights lona elisanda kukhipha idlalade labo elitsha elilengoma ezilitshumi eliphansi kwesihloko esithi "Bulawayo Knights Presents Volume One".

Iqembu le Bulawayo Knights libunjwa ngabaculi abane abathi uTheophilus Mabvudzi yena owaziwa ngegama lomsebenzi elithi Bob Skinnah, uQeqeshiwe Mutambo, Mthokozisi Ncube owaziwa ngokuthi nguMfundisi kanye lo Mncedisi Moyo odume ngelithi Cooper Man.

Leliqembu lisungulwe ngomnyaka ka 2007 ngu Cooper Man njalo uBob Skinnah uthi bayahlanganisa ihlobo zomculo we House eyehlukeneyo kodwa kulelidlalade bagxile kuhlobo abalubiza ngokuthi yi Gida kumbe dance music ngesilungu.

Ingoma ezitholakala kudlalade leli elithiwa "Bulawayo Knights Presents Volume One" zigoqela eka Cooper Man ethi "Korinjene" kanye lale ethiwa "Sorry Makhelwane" eculwa ngu Mfundisi ehamba lo Palmer.

Ingoma zeqembu le Bulawayo Knights ziyatholakala ebulenjini emkambo ye Reverb Nation kanye laku Sound Cloud njalo bathi baphakathi kwemizamo eyokuthi zitholakale lasezitolo.

Leliqembu selike lasebenza labaculi abalodumo abaphuma elizweni le South Africa abagoqela uDJ Clock kanye le Roc Boyz njalo lingakakhiphi idlalade leli elithiwa Bulawayo Knights Presents Volume One belicindezela ama single ake atshaywa kakhulu emisakazweni etshiyeneyo etholakala kwele Zimbabwe.

Woza Friday: Iqembu lomculo elizibiza ngokuthi yiBulawayo Knights
please wait

No media source currently available

0:00 0:08:11 0:00
Lapho esitholakala khona

XS
SM
MD
LG