amalinks wokungena

Breaking News

Woza Friday: Liviki Silomculi Weqembu leTony Brothers uTabona Obed Ncube


Kuhlandla lethu le Woza Friday liviki intahtelizindaba yeStudio Seven uBenedict Nhlapho ukhuluma lomculi weqembu le Tony Brothers uTabona Obed Ncube, yena othi lobanje sebeyethule aze aba mabili amadlalade, konke lokhu bakwenza phansi kwesimo esinzima njengoba bengalazo izinto zokusebenzisa emsebenzini wabo.

Bazibiza Tony Brothers kukanti sebelamadlalade amabili omculo weRhumba. Ngo 2010 bathe Impilo yami, beza ngo 2012 sebesithi Ichithamuzi.

Kodwake umsunguli njalo elilunga laleliqembu UTabona Obed Ncube uthi bathwala amagamba avuzayo ukuze bekuphekele lokukuphakela lobu bunandi. Uthike uhlupho olukhulu abebelalo ngolokuthi bethi loba sebemtholile umuntu ongabasiza yena abesecabanga ukuthi usezitholele umkhwenyana wokwebula njengengxoza. Le yinto athi ibatshiya bephakathi kwembokodo letshe njengabaculi.

Lobanje isimo sisibi, ngo 2010 uTabona ndawonye lo Meluleki Ncube kanye loTrust Mathe bethula idlalade elithi "Impilo yami" elimumethe izangihluphe lezangikhathaze zempilo.

Ngo 2012 bethulake le ethi "Ichithamuzi" lapho athi bakhuluma khona ngendoda engahloniphiyo. Lelidlalade yilo elimumethe lale ethi "Lalela abazali", okuyinkuthazo yenhlonipho.

UTabona uthi lobanje kunzima kangaka ukukhanda amaculo la kubo umculo yinto angeke bayekela. Asebekudinga manje uthi luxhaso oluzakwenza baqhubekele phambili besethula umculo. Uthike kubathandi bomculo weTony Brothers ukuthenga amadlalade yikho okuzakwenza lobubunandi bungapheli.
please wait

No media source currently available

0:00 0:05:10 0:00
Lapho esitholakala khona
XS
SM
MD
LG