amalinks wokungena

Breaking News

Woza Friday: Silomculo Weqembu Elizibiza Ngokuthi Sisters of Paradise


Iqembu lomculo wengoma zokholo ele Sisters of Paradise
Iqembu lomculo wengoma zokholo ele Sisters of Paradise

KuWoza Friday liviki uBenedict Nhlapho uxoxa lomculi wezokholo uThembi Sibanda oweqembu leSisters of Paradise ngedlalade labo elitsha elithi "Sinjalo".

Kudlalade labo leli elithi "Sinjalo", uThembi uthi bafake ingoma eziphekwe zavuthwa busu besenzela ukuthi zinambithe ngitsho lakulabo abangakholwayo.

Zonke ezingamatshumi amathathu kuleli dlalade zingoma eziphenduka zibe yintshumayelo enkulu nxa umuntu elalelisisa amazwi azo njengale eyakuqala ethi isango lezulu lincinyane.

UThembi uthi ukuphumelela kwedlalade labo leli kumjabulisa kakhulu njengoba kuyikugcwaliseka kwamaphupho akhe amakhulu.

Ezihamba phambili kuleli dlalade zibalisa le ethi nxa inkosi ivuma sizophumelela kuzele ethi Nkosi yami ungangitshiyi lezinye.

Lintombi ezelwe esiGodini ngo 1982 yakhulela khona iqale ezokucula isafunda. Kuthe ekufikeni kwakhe eGoli wacula emaqenjini abalisa iNsindiso yaMaNazareth leleMvuselelo yaMakholwa. Ngo 2009 yikho lapho abumba khona elakhe iqembu leSisters of Paradise. Kuleliqembuke waqala ngedlalade elithi Mhla uJesu eBuya, kweza elithi Ngubani Ozayongena manje sekulaleli elithi Sinjalo.

UThembi uthi ubonga umdali ngokunambitha koluju aluphake kuleli dlalade. Uthi isifiso sakhe kasikho ekwenzeni imali kuphela ngalo umculo kodwa ufisa ukusondeza abantu enkosini aphinde aphathise labo abalesifiso sokucula.

Uqhubeka ethi abaculi abasacathulayo labalandeli bakhe abafuna ingoma zokholo bangathandabuzi ukuthintana laye kufacebook egameni leqembu lakhe elithi Sisters of Paradise.

Woza Friday: Abaculi beSisters of Paradise
please wait

No media source currently available

0:00 0:05:12 0:00
Lapho esitholakala khona

XS
SM
MD
LG