KuWoza Friday liviki silensizwa entsha kumdumo weRhumba uElvis Mfanomude Dliwayo ledlalade lakhe elitsha elithi 'Wagcina nini'.
UElvis Mfanomude Dliwayo uzelwe koMakhulela ePlumtree ngo 1991. Wavela wathi ekhula zahle zaba segazini ezomculo. Uthi ubode phose abaculi bonke engakazitholeli elakhe iqembu alithe igama lokuthi Elvis Elee Mfanomude & the Super Bullets.
Umfanomude uthi ingoma zakhe zonke ezikuleli idlalade alethule nyakenye ziqukethe imfundiso enkulu okumangalisayo. Kuleke eyesibili uthi asazi sebengenwe yini laba abafana abazalisa amantombazana bethembe ukuphika izisu. Uthi isifiso sakhe esisemqoka yikuthi abengumculi ozaduma umhlaba wonke. Lokhuke uthi ukwenza ngokwethula amazwi aqatha engomeni zakhe.
Kweyesihlanu ethi 'Wagcina nini', okuyiso njalo isihloko sedlalade lakhe, uxwayisa labo abasemazweni ukuthi basebenze bakhumbule emakhaya.
Ziyisithupha ke ingoma ezikuleli dlalade likaElvis elingelakuqala. Uthi nxa ufuna ukulaywa, uqondiswe njalo utshaywe kungelaswazi, zitholele idlalade lakhe leli.
