amalinks wokungena

Breaking News

Woza Friday: Sileqembu le Umkhumbi kaNoah Christ Survivors


Umkhumbi kaNoah Christ Survivors
Umkhumbi kaNoah Christ Survivors

KuWoza Friday liviki uBenedict Nhlapho uxoxa lomculi wezokholo uMoses Sibanda leqembu lakhe le Umkhumbi kaNoah Christ Survivors mayelana ledlalade labo lakuqala elithi Qapheleni.

Lelike lidlalade labo lakuqala kantike liyavutha impela. UMoses uchaza umculo wakhe njengokudla komphefumulo.

Lensizwa edabuka eGwanda eMajawundeni ithi kuleli dlalade uxwayisa amakholwa ukuthi aqaphele abaprorofithi bamanga labafundisa asebegange okokuthi sebeze bedlisa abantu utshani ngegama lenkosi.

Zilitshumi lambili ingoma ezimunyethwe yileli dlalade. Uvulindlela yile ethi Wamuhle Jesu, abesethi Uvukile, kulandele ethi Moya wami lezinye ezinengi azilentshumayelo ezilohlonzi eziphuma embalweni.UMoses uthi ezakhe ingoma ziphuma embalweni kantike kwesinye isikhathi inkosi iyake imgavele amaculo emaphutsheni.

Kulale ethi "Uyeza loJesu", yonake ikusuka kulo owesono uzizwe usundiza emazulwini. Makhulu amaphupho alawo uMoses kuhambo lwakhe lezombulo. Uthike eyakhe injongo ayikwe emalini loba ekuzitholeleni udumo kodwa isekusakazeni izwi likankulu.

Lokhu akutshoyo lomculo wakhe uyakufakaza ikakhulu kule ingoma yakhe ethi "Awulungele" lapho athi ulikholwa elinjani eligange okwedlula umhedeni. UMoses uthi okumthokozisayo yikuthi useke wangena endaweni eziphansi laphezulu ngalo umculo.

Kakhohlwake ukuzicelela uxhaso kubalandeli bakhe. Uphume enkundleni ngale ethi "Qaphelani" lapho ekhwela ezehlela khona kuzigelekeqe esezintshotshela abantu zisebenzisa amabhayibhili.

Woza Friday sileqembu leUmkhumbi kaNoah Christ Survivors
please wait

No media source currently available

0:00 0:05:46 0:00
Lapho esitholakala khona

XS
SM
MD
LG