amalinks wokungena

Breaking News

Woza Friday: Iqembu leZingilosi Zezulu


Izingilosi Zezulu
Izingilosi Zezulu

KuWoza Friday liviki intathelizindaba yeStudio 7, uBenedict Nhlapho usiqhunsela umculo wezokholo weqembu elizibiza ngegama lokuthi "Zingolosi zeZulu" ophuma kudlalade labo elitsha eliphansi kwesihloko esithi "Kukhona Ongibizayo",

Okhalela ingoma zaleli qembu uPretty Ndlovu uzelwe eNtepe eGwanda ngo 1984. Ezokucula zona uziqale leqembu le Mvuselelo yamakholwa lapho acule khona okweminyaka emihlanu qede lapho wasungula elakhe iqembu leZingilosi Zezulu.

Kudlalade labo lakuqala elithi "Kukhona ongibizayo" kuxutshaniswe umdumo wezokholo ojwayelekileyo lalo owamaZayoni. Uthi zonke zolitshumi lambili ingoma ezikuleli dlalade zintshumayelo eziphuma ebhayibhilini.

Okumunyethwe yilezi ingoma uhle ukuzwe emagameni azo agoqela ethi Adam loEva, Elilamasabakathani, Izulu likhaya lale ethi Magadalena. Uthike esakhe isifiso ngalo umculo wakhe kaseyamanga emalini.

Njengoba elokhu esabuye acule njalo leqembu leMvuselelo yamaKholwa, uPretty uthi thintana laye kufacebook egameni elithi Intombi zeMvuselelo yaMakholwa kantike ungakhohlwa ukuhlala ubonga uMvelingqangi ngalokho akwenzela khona.

XS
SM
MD
LG