Osakhulayo olungisa impahla zabesilisa ezigqokwa emtshadweni uNkosazana Immaculate Kwashira uthi ukhangelele ukuqhelisa inkampani yakhe njalo enelise ukuyabukisa impahla zakhe embukisweni emikhulu efana loweWorld Fashion Week ovame ukwenzela emadolobheni agoqela iNew York, Paris, London leMilan.
UKwashira nguntombazana oleminyaka engamatshumi amabili lane yokuzalwa njalo ufundele ezokuthunga lokulungisa impahla ekolitshini leChinhoyi University of Technology.
Okwamanje usebenzela iTayTee Clothing, kodwa uleyake inkampani ethiwa yiImmaculate-D, yona athi ukhangelele ukuyikhulisa ibe yinkampani enkulu ekulungiseni impahla zabesilisa emhlabeni jikelele.
Eqeda umsebenzi ntambana nsuku zonke kunkampani yejaytee clothing, uImmaculate uthi uhle aye ng’khaya ayeqalisa ukulungisa impahla zenkampani yakhe esebenzisa amalembu lokunye okutshiyeneyo okugozela izigogo zenyamazana. Uyachasisa ukuthi kungani ekhethe ukulungisa lokuthunga impahla zabesilisa.
UKwashira uthi bayazijabulela impahla zakhe abesilisa, kodwa uthi ngenxa yokuswela imali yokuthuthukisa ibhizimusi lakhe, kakatholi izitolo ezingathengisa impahla zakhe.
Ukuze umuntu aphumelele ekulungiseni yiloba yiphi impahla, kumele alungise into ezibukekayo njalo ezilohlozi.
Unkosikazi Kwashira uthi ufisa ukuthuthukisa ibhizimusi yakhe, iImmaculate-D ibe yinkampani enkulu ezakwenelisa ukuyabukisa impahla zayo eminyakeni ezayo emadolobheni afana leParis, New York, London leMilan.
Uthi umuntu olungisa impahla ezinhle kakhulu ambikayo yisizalwane sakwele italy ugiorgio armani.
Abalesifiso sokuxhumana loKwashira uthi ilingamthola nge email kukhethli ethi immaculatekwashira@gmail.com.