Tuesday, July 29, 2014 Local time: 10:42

Indaba / Ezokudla Lezokulima

Abalimi Bakhala Ngokungabhadalwa yiGMB

x
Gibbs Dube
— Abalimi abanengi ezabelweni ezitshiyeneyo zelizwe bathi lokhe bengakabhadalwa yi Grain Marketing Board (GMB) imali yomumbu abawuthengesele inkampani le nyakenye.
 
Abalimi abase Nkabazwe, eMasvingo le Mashonaland West abakhulume le Studio 7 bathi kabasoze bathengisele iGMB umumbu lamanye amabele lonyaka nxa ingabhadalanga izikwelede zomnyaka ophelileyo.
 
Bathi abanye abalimi kumele babhadalwe izikwelede eziphakathi kwenkulungwane ezilitshumi lantathu zamadollar - $13,000 kusiya kunkulungwane phose ezingamatshumi amabili amadollar - $18,000.
 
UMnu. Maqhawe Moyo okukhansili yeSilobela uthi banengi abalimi endaweni le abangabhadalwanga imali nyakenye yiGMB.
Ingxoxo Esiyenze loMnu. Maqhawe Moyo
Ingxoxo Esiyenze loMnu. Maqhawe Moyoi
|| 0:00:00
...
 
🔇
X

UMoyo uthi amakhansili eSilobela asebophe isinqumo sokuthi kumele badinge ukukhulumisana loMnu. Tendai Biti, umphathintambo wezemali ngalolu daba. 
         
UMnu. Patrick Dube okukhomithi yedale lephalamende ebona ngezokulima uthi iziphathamandla ze GMB zijayele ukukhuluma amanga ngodaba lokubhadala izikwelede zabalimi.
Ingxoxo Esiyenxe LoMnu. Patrick Dube
Ingxoxo Esiyenxe LoMnu. Patrick Dubei
|| 0:00:00
...
 
🔇
X


 
UDube uthi lokhu kwenziwa yikuthi kulobusela obumangalisayo eGMB njalo lokwehluleka ukusebenza ngokwethembekileyo.
 
Iziphathamandla ze GMB ziyalile ukukhuluma le Studio 7 njalo ayisenelisanga ukukhuluma loMnu. Tendai Biti, umphathintambo wezemali.
This forum has been closed.
Umbono wakho
     
There are no comments in this forum. Be first and add one