Monday, February 15, 2016 Local time: 00:57

    Indaba / Ezokudla Lezokulima

    Abalimi Bakhala Ngokuswela Imvundiso ye Fertilizer

    AmabeleAmabele
    x
    Amabele
    Amabele
    Gibbs Dube
    Abalimi endaweni ezitshiyeneyo zelizwe bathi lokhe bengatholi imvundiso yeAmmonium Nitrate ukuze benqabele ukutota emasimini ngenxa yezulu elina okungapheliyo.
     
    Izakhamuzi zeBuhera esabelweni seManicaland, lezinye ezihlala eSilobela esabelweni seNkabazwe, eMatabeleland North, Mashonaland West kanye leMatabeleland South zithi zithwele nzima ngokudinga imvundiso yeAmmonium Nitrate.
     
    Zithi imvundiso le kayitholakali eziphaleni zeGrain Marketing Board loba nje ikhona kwezinye izitolo lapho ethengiswa khona ngentengo ephezulu.
     
    Isaka elilodwa lemvundiso libiza amadollar alitshumi lanhlanu - $15 kusiya kumadollar angamatshumi amabili - $20.
     
    Abalimi abanengi bathi kabenelisi ukuthenga imvundiso le.UMnu. Zwelithini Gabula omunye wabalimi ababhekane lodubo lolu eGwanda esabelweni seMatabeleland South uthi kunzima ukuthola imvundiso le kwele Zimbabwe.
    Ingxoxo Esiyenze LoMnu. Zwelithini Gabula
    Ingxoxo Esiyenze LoMnu. Zwelithini Gabulai
    || 0:00:00
    ...    
     
    X

    Umnu. Everson Ndlovu ingcwethi kwezokuthuthukisa inotho kazulu uthi sokumele abalimi basebenzise imvundiso yomdabuko ukwenzela ukuthi benqabele ukutota emasimini abo.
    Ingxoxo Esiyenze loMnu. Everson ndlovu
    Ingxoxo Esiyenze loMnu. Everson ndlovui
    || 0:00:00
    ...    
     
    X
    This forum has been closed.
    Umbono wakho
         
    Akula othe wafaka umbono wakhe kule inkundla. Bana ngowakuqala ukwenza njalo