amalinks wokungena

Breaking News

Amapholisa Abopha Amalunga eMasvingo Residents Trust


ZESA
ZESA

Amapholisa abophe inkokheli yenhlanganiso yezakhamizi eye Masvingo Residents’ Trust ebalisa umsekeli womgcinisihlalo kulandela ukutshengisela okwenziwe yizakhamizi edolobheni leli lamuhla zikhonona ngokuswelakala kwamandla kagetsi.

Umgcinisihlalo wenhlanganiso le, uMnu. Prosper Chiringindi, uthi izakhamizi bezitshengisela emawofisini eZimbabwe Congress of Trade Unions zikhala ngokuthi inkampani kagetsi eyeZESA icitsha santando umlilo.

Ababotshiweyo bagoqela umsekeli kaChiringindi, uMnu. Honest Makasi, unobhala jikelele wenhlanganiso le kuWard 2 uMnu. Misheck Gava kanye loMnu. Simbarashe Mugari.

UChiringindi uthi abathathu laba bavalelwe enkambeni yamapholisa eyeMasvingo Police Station lapho abakhangelelwe ukwetheswa icala lokwephula umthetho wePublic Order and Security Act (POSA).

Uqhubeke ethi zitshengisele kulandela ukwala kweziphathamandla ze ZESA ukuzazisa ngezikhathi zokucitsha umlilo kagetsi lokunye okutshiyeneyo.

Izakhamazi zeMasvingo zike zazama ukwenza umhlangano leziphathamandla zenkampani le ngenyanga ephelileyo kodwa kwehlula.

Amapholisa eMasvingo ayalile ukukhuluma ngodaba lolu.

Kusenjalo, kuqhubekela phambili ukucitshwa kukagetsi santando koBulawayo.

UMnu. Roderick Fayayo umqondisi weBulawayo Progressive Residents’ Association uthi iZESA iqhubekela phmbili ngokucitsha umlilo kagetsi santando.

XS
SM
MD
LG