amalinks wokungena

Breaking News

Abaphila Lobugoga Bakhala Ngokunganazwa Nguhulumende


Abaphila lobugoga bayakwazi ukuthi uhulumende kalamali kodwa okuhluphayo yikuthi kumele kuphumele egcekeni ukuthi kwenzakalani. (Courtesy Photo)
Abaphila lobugoga bayakwazi ukuthi uhulumende kalamali kodwa okuhluphayo yikuthi kumele kuphumele egcekeni ukuthi kwenzakalani. (Courtesy Photo)

Abaphila lobugoga eZimbabwe bathi babona engani sebetshiywe phandle kohlelo lokuxoxisana ngoluhlu lokusetshenziswa kwemali yelizwe olwe Budget Consultations oluqhubekela phambali.

UMnu. Simon Mvindi owenhlanganiso yabaphila lobugoga eye Visually Impaired Strategic Alliance Trust of Zimbabwe utshele iStudio 7 ukuthi batshiywe phandle kuhlelo lolu ngenxa yokuthi uhulumende kalandaba lezikhalazo zabo.

UMvindi uthi lokhu kwenzakala ngesikhathi uhulumende esehluleka ukubhadala abaphila lobugoga amatshumi amabili amadollar eMelika $20 ngenyanga.

UMvindi uthi kade kuzaba lobubelo nga uhulumende exoxisane labo ngesikhathi sokulungisa uluhlu lokusebenzisa imali elizweni okumele kwethulwe ngoLwezi.

Uthi sebazama ngamandla wonke ukuthi bangene kuhlelo lolu kodwa kabalalelwa.

Omunye ophila lobugoga uMnu. Bekezela Nkosana isakhamuzi sakoBulawayo ugcizelele esithi uhulumende wacina kudala ukunanza izikhalazo zabaphila lobugoga.

Isikhulumeli sohlangothi lukahulumende olubona ngabampofu sithe uhulumende uyakwazi ukuthi abantu abaphila lobugoga bathwele nzima ngokungatholi imali yabo.

UNkosana utshele uGibbs Dube weStudio 7 ukuthi bayakwazi ukuthi uhulumende kalamali kodwa okuhluphayo yikuthi kumele kuphumele egcekeni ukuthi kwenzakalani.

XS
SM
MD
LG