07.01.2013
<h1>Imihogoyi Ithwalisa Nzima Uzulu eZimbabwe</h1><img src="http://www.voandebele.com/App_Themes/VOA_nd/img/colorLogo.gif"/>Abalimi ezabelweni ezitshiyeneyo kwele Zimbabwe kanye labogatsha lwezokulima bakhala ngodubo lwemihogoyi eminengi okumangalisayo esibahlasele edla amabele.<br /> <br /> Bathi imihogoyi le, yama armyworms, idla umumbu, inyawuthi, lamanye amabele kanye lamadlelo ezifuyo.<br /> <br /> Abamele uhlangothi lweAgricultural Research and Extension Services bathi imihogoyi le iqalise ukuhlasela amasimu isidla amabele kusukela ngeviki ephelileyo.<br /> <br /> Bathi kunzima ukwenqabela ukuthi imihogoyi le ingaqhubeki isidla okuhlanyelwe ngabalimi ngenxa yokusilela kwemithi yokuyibulala enjenge carbaryl.<br /> <br /> Bathi sebehlolisisa indawo zonke zelizwe ukwenzela ukuthi babone ukuthi udubo lwemihogoyi solusabalale kangakanani ezigabeni zonke zelizwe.<br /> <br /> Abalimi endaweni ezinengi zelizwe bathi bayehluleka ukuthola imithi enjenge carbaryl yokubulala imihogoyi le.<br /> <br /> Umnu. Khabo Malinga we Lupane, esabelweni seMatabeleland North, uthe bathwele nzima ngemihogoyi le edla ensimini kusale kumhlophe nke.<br /> <br /> <div class="tag_image tag_audio_plain" contenteditable="false" mode="audio|plain|247046"> Ingxoxo Esiyenze LoMnu. Khabo Malinga<img alt="" src="../../../img/spacer.gif" title="This is just placeholder, it will be replaced public site." /></div> <br /> Izinanakazana lezi zisezabelweni ezithi iMatabeleland North, Mashonaland West, Mashonaland Central, eNkabazwe le Manicaland.<link rel="canonical" href="http://www.voandebele.com/content/zimbabwe-armyworm-ithwalise-nzima-uzulu-kwelemandebeleni-lakwezinye-indawo-zelizwe/1579441.html"/><meta name="syndication-source" content="http://www.voandebele.com/content/zimbabwe-armyworm-ithwalise-nzima-uzulu-kwelemandebeleni-lakwezinye-indawo-zelizwe/1579441.html"/><img src="http://livetracker.voanews.eu/counter.lt?PageType=256&RecordId=1579441&SiteId=430&r=307260932&it=0&pd=20130107212442&url=ArticleID1579441" alt="" style="border:none;" height="1" width="1">
Copy to clipboard Close