23.01.2013
<h1>I-EU Inika IZimbabwe Imali Yokulwisana Lemihogoyi</h1><img src="http://www.voandebele.com/App_Themes/VOA_nd/img/colorLogo.gif"/>Uhlangothi olubona ngezokulwisana lemikhuhlane yamabele, iPlant Protection Research Institute – luthi soluthole inkulungwane ezedlula amatshumi ayisikhombisa zamadollar eMelika - $76,000 – yokulwisana lemihogoyi edla amabele eZimbabwe.<br /> <br /> Umnu. Godfrey Chikwenhere umqondisi wohlangothi lolu olungaphansi kogatsha lwezokulima, uthi inhlanganiso yeEuropean Union inikeze inhlanganiso ye Food and Agriculture Organization (FAO) phansi kwe United Nations imali yokuphathisa kuhlelo lolu kwele Zimbabwe.<br /> <br /> Uthi imali le izanceda ilizwe ukuthi lithole imithi yokubulala imihogoyi le esibhuqe emasimini ezabelweni ezinjenge Matabeleland North, Manicaland, eNkabazwe, Matabeleland South, Mashonaland Central le Mashonaland West.<br /> <br /> UChikwenhere uthi iFAO isithengile imithi yokubulala imihogoyi le kanye lamafutha ezimota zokuya endaweni ezihlaselwe yilolu dubo.<br /> <br /> UMnu. Nkosilathi Nkomo we Bhadza eMatobo, esabelweni se Matabeleland South, uthi kumele izakhamizi zendaweni le lazo zithole imithi njengoba imihogoyi ilokhe ibathwalise nzima.<br /> <br /> Ele Zimbabwe belikhala ngokuthi kalila mithi yokubulala imihogoyi le eyaziwa ngokuthi ngama armyworms.<br /> <br /> <div class="tag_image tag_audio_plain" contenteditable="false" mode="audio|plain|252077"> Ingxoxo Esiyenze loMnu. Nkosilathi Nkomo<img alt="" src="../../../img/spacer.gif" title="This is just placeholder, it will be replaced public site." /></div><link rel="canonical" href="http://www.voandebele.com/content/zimbabwe-armyworm-plant-protection-services-imihogoyi-isibhuqile-emasimini/1589616.html"/><meta name="syndication-source" content="http://www.voandebele.com/content/zimbabwe-armyworm-plant-protection-services-imihogoyi-isibhuqile-emasimini/1589616.html"/><img src="http://livetracker.voanews.eu/counter.lt?PageType=256&RecordId=1589616&SiteId=430&r=1327086347&it=0&pd=20130123193445&url=ArticleID1589616" alt="" style="border:none;" height="1" width="1">
Copy to clipboard Close