Monday, December 22, 2014 Local time: 02:34

Indaba / Ezenotho

IZESA Iphungula Umlilo Kagetsi Owabelwa Uzulu

x
Gibbs Dube
Inkampani kahulumende ebona ngezomlilo kagetsi iZimbabwe Electricity Supply Authority (ZESA) ithi iqalise ngoMvulo ukwehlisa umlilo ewabela uzulu ngoba ilungisisa imitshina ezititshini zomlilo kagetsi eKariba le Hwange.
 
Inkampani le ithi ugetsi uzasilela kuze kuyefika uZibandlela ngomnyaka ozayo.
 
Osomabhizimusi lezakhamizi ze Harare lakoBulawayo bathi okwenziwa yi ZESA kuyamangalisa njengoba lokhu kusenziwa ngesikhathi sekhefu leKhisimusi.
 
Osomabhizimusi bathi lokhu kuzakwenza balahlekelwe yimali enengi okumangalisayo ngenxa yokuthi lesi yisikhathi sokuthi uzulu athenge impahla enengi.
 
Inkampani ye ZESA kade ivele isabela uzulu lamabhizimusi umlilo kagetsi omlutshwana ngenxa yokuswela imali yokuvuselela imitshina.
 
Umnu. Bulisani Ncube usomabhizimusi wakoBulawayo uthi iZESA kayilandaba lezamabhizimusi.
Ingxoxo Esiyenze LoMnu. Bulisani Ncube
Ingxoxo Esiyenze LoMnu. Bulisani Ncubei
|| 0:00:00
...    
🔇
X
 
Umnu. Roderick Fayayo umqondisi we Bulawayo Progressive Residents’ Association uthi okwenziwa yi ZESA kwephula inhliziyo.
Ingxoxo Esiyenze LoMnu. Roderick Fayayo
Ingxoxo Esiyenze LoMnu. Roderick Fayayoi
|| 0:00:00
...    
🔇
X

Facebook