amalinks wokungena

Breaking News

Imali Entsha Yamatshe Yethusa Uzulu eZimbabwe


Imali le ilesisindo semali yamatshe yeMelika.
Imali le ilesisindo semali yamatshe yeMelika.

Abanye abaqondisi bamankampani amakhulu labathenga bethingisa impahla etshiyeneyo bathi kabasoze basebenzise imali yamatshe okumele yethulelwe uzulu kusasa libhanga elikhulu lelizwe eleReserve Bank of Zimbabwe.

Bathi bayesaba ukuthi eleZimbabwe selibisela ngudlu idollar lelizwe elawa ngomnyaka ka2009 ngenxa yokugugudeka komnotho welizwe.

Osomabhizimusi laba bathi kuyethusa ukuthi bazathola intshintshi yemali yamatshe engeke yasebenza kwamanye amazwe. Bathi lokhu kungenza ukuthi bacine besala lemali engelancedo nxa ilizwe lingacabanga ukwekela ukusebenzisa imali yakwamanye amazwe.

Imali yamatshe le engeniswa kumnotho welizwe yiRBZ kusasa, eyagigwa kwele South Africa, kayingeke yasetshenziswa ngaphandle kwelizwe. Imali le ilesisindo semali yamatshe yeMelika.

Omunye walabo abathi kabasoze bayisebenzise nguMnu. Xolani Moyo wenhlanganiso yabathenga bethengisa impahla etshiyeneyo eye Zimbabwe Chamber of Informal Economies Associations.

Siphinde saxoxa ngodaba lolu loMnu. Sam Ncube olebhizimusi enkulu koBulawayo njalo loMnu. Roderick Fayayo wenhlanganiso yezakhamizi eyeBulawayo Progressive Residents Association abathe kuyasolisa okwenziwa nguhulumende.

XS
SM
MD
LG