Inhlanganiso yabaqondisi bamankampani athengisa impahla etshiyeneyo eyeRetailers’ Association of Zimbabwe ithi bazasebenzisa bekhululekile imali yamatshe eyama special bond coins esanda kwethulwa elizweni.
UMnu. Themba Ndebele umqondisi wenhlanganiso le uthi sebevumelene ukuthi kumele bayisebensize imali le ukwenzela ukuthi abantu makhaza bathole intshintshi ebihlupha okwamagama nxa bethenga impahla ezitolo.
UNdebele uthi imali yamatshe le eyadindwa kwele South Africa njalo esanda kwethulelwa abaqondisi bamankampani eZimbabwe, ilakho ukwenza ukuthi impahla ethengiswayo ifakwe intengo efaneleyo kulalokho okade kusenzakala ingakatholakali.
Ele Zimbabwe lama ukusebenzisa idollar lelizwe kulandela ukugugudeka komnotho okwasokusenza kubenzima ukulisebenzisa.
Kodwa-ke kwaba lenkinga yentshintshi okulokhe kusenza ukuthi abathengisa impahla banike uzulu iziwiji kumbe amaphetshana amele leyo ntshintshi.
Imali yamatshe le izanqabela konke lokhu loba nje abanye abaqondisi bamankampani kade bethandabuza ukuthi ilesisindo esinganani.
Imali le izabe ilesisindo semali yamatshe awe Melika.
EleEcuador ngelinye lamazwe asebenzisa imali efanayo njengoba lalo lisebenzisa idollar leMelika.
Akesizwe uNdebele exoxa loGibbs Dube weStudio 7 ngokusebenzisa imali yamatshe esanda kwethulwa eZimbabwe.