amalinks wokungena

Breaking News

Sokuzathengiswa Ama Insurance Ebulenjini beInternet


Inkampani le ngeyokuqala eZimbabwe ukuthengisa lokhu ebulenjini.
Inkampani le ngeyokuqala eZimbabwe ukuthengisa lokhu ebulenjini.

Inkampani yebulenjini be internet eye ZimSelector.com isisungule uhlelo oluzakwenza ukuthi uzulu athenge ama insurance okuzivikela kumonakalo odalwa zingozi ezindlini lezimota lokunye okutshiyeneyo.

Umnu. Luke Ngwerume umqondisi wenkampani le elobudlelwano lamabhanga amanengi agoqela iReserve Bank of Zimbabwe, utshele iStudio 7 ukuthi okunye okuzatholakala ebulenjini kunkampani le yikuvula izikhwama zemali kumabhanga njalo leinsurance yokuphathisa nxa umuntu engafelwa.

Uthi uhlelo lolu luzanceda inzalo yeZimbabwe eselizweni lalabo abahlala kwamanye amazwe.

Uphinde wathi uhlelo lolu lwavunywa yinhlanganiso ekhangelane lezepentsheni eye Insurance and Pensions Commission lebona ngokuthengiselana amashares amankampani eye Securities and Exchange Commission of Zimbabwe.

Ukuze sihlaziye udaba lolu sixoxa loMnu. Masimba Kuchera ingcwethi kwezenotho othi okuhluphayo yikuthi abantu abanengi bayesaba ukusebenzelana lamankampani asungulwayo.

XS
SM
MD
LG