amalinks wokungena

Breaking News

IZINASU Isibophisa uMugabe Ngesicoco Somkakhe sePHD seUZ


Unkosikazi Grace Mugabe lomsekeli kaMongameli welizwe, uNkosikazi Joice Mujuru, basanda kuthola izicoco zePHDs eUniversity of Zimbabwe. (Courtesy photo)
Unkosikazi Grace Mugabe lomsekeli kaMongameli welizwe, uNkosikazi Joice Mujuru, basanda kuthola izicoco zePHDs eUniversity of Zimbabwe. (Courtesy photo)

Inhlanganiso yezifundi eyeZimbabwe National Students’ Union ithi isibophisa ikolitshi leUniversity of Zimbabwe, uVice Chancellor uLevy Nyagura loMongameli Robert Mugabe ngokuphiwa kwesicoco seDoctor of Philosophy uNkosikazi Grace Mugabe.

UMnu. Gilbert Mutubuki umqondisi weZINASU utshele iStudio 7 lamuhla ukuthi bahambisa loludaba emthethwandaba weConstitutional Court kusasa ukuze bathole yonke imbiko yokuthi waphiwa njani isicoco lesi.

UMutubuki uthi amagqwetha eZimbabwe Lawyers for Human Rights akhangelelwe ukuthi azakwethula ingwalo zodaba lolu emthethwandaba lo lapho abafisa ukuthi kuthathwe khona isinqumo sokuthi kuvezwe konke okutshengisa ukuthi uNkosikazi Mugabe wangena njani kulelokolitshi.

Uphinde wathi babophisa uMongameli Mugabe ngenxa yokuthi ungumqonsisi walelo kolitshi lapho aphethe khona isikhundla sikaChancellor.

Amagqwetha aphethe loludaba athi uMugabe ulakho ukubotshiswa nxa ebambe isikhundla lesi njengoba isisekelo sombuso welizwe singavumi ukuthi kubotshwe umongameli welizwe.

Sixoxe lomunye walabo abamele iZINASU, uMnu. Pride Moyo, othi lokhu bakwenzela ukuthi izicoco zeUniversity of Zimbabwe zingalulazeki.

Kusenjalo, umlobi olodumo, uMnu. Chenjerai Hove, owafunda njalo wafundiswa kulelokolitshi, ubhalele ingcwadi uNyagura ukhonona ngalokhu esithi sokubhidlize izifundo zeUniversity of Zimbabwe.

XS
SM
MD
LG