amalinks wokungena

Breaking News

Kutholakala i$42,000 Yokungcwaba uNancy loMorlene Ababhubhele eMelika


Kutholakale i$24,000 yokugcwaba uNkosazana Morlene Tariro Magoronga. (USAP Facebook)
Kutholakale i$24,000 yokugcwaba uNkosazana Morlene Tariro Magoronga. (USAP Facebook)

Sokutholakale inkulungwane ezedlula amatshumi amane amadollar eMelika – $42,000 – yokuthumezela izidumbu zezizalwane zeZimbabwe ezimbili ezibhubhele eMelika.

Imali le ebuthaniswe ebulenjini be-internet kusetshenziswa i-youcaring.com ngeyokungcwaba uNkosazana Nancy Tinonza loNkosazana Morlene Tariro Magoronga abasanda kubhubhela eMelika.

Ababili laba bebekuhlelo lwezifundi oluqhutshwa yisigodlo sommeli weMelika eZimbabwe olweUnited States Students’ Achievers Program.

Kodwa-ke lokhe kusadingwa imali yokuthwala isidumbu sikaNkosazana Susan Muroyiwa obhubhele eSavannah, Georgia, eMelika ngeviki ephelileyo. Umntanakhe uNkosazana Chiwoneso Mpofu uthi sebethole inkulungwane lamakhulu ayisithupha amadollar eMelika - $1,600.

Immuli le idinga phose inkulungwane ezilitshumi zamadollar yokuthwala isidumbu sikaMuroyiwa sisiya ekhaya.

Ingcwethi kwezemibiko eyethulwa ebulenjini be-internet, uMnu. Gerry Dumani, utshele uGibbs Dube weStudio 7 ukuthi inhle kakhulu indlela le yokudinga imali lobanje abanye abantu besehluleka ukuncedisa kulokhu ngoba bengenelisi ukungena ebulenjini be-internet.

XS
SM
MD
LG