amalinks wokungena

Breaking News

Inhlupho Zombusazwe eZimbabwe Zikhathaza Uzulu


UMongamelo Robert Mugabe labasekeli bakhe, UMnu. Phelekezela Mphoko loMnu. Emmerson Mnangagwa. Collage by Ntungamili Nkomo
UMongamelo Robert Mugabe labasekeli bakhe, UMnu. Phelekezela Mphoko loMnu. Emmerson Mnangagwa. Collage by Ntungamili Nkomo

Uzulu weZimbabwe uyamangala ukuthi sokwenzakalani elizweni njengoba umnotho usubhidlika okumangalisayo loba nje ibabandla elibusayo linamathele embusweni.

Lokhu sokutshiye abanengi bethithibele becabanga ukuthi ilizwe selibuyela esikhathini sokudubeka okunjengeminyaka esandakudlula lapho okwakusetshenziswa khona amaqubaquba emali njalo kulokuxokozela kwezombusawe.

Kambe kuyini okwenza ukuthi ibandla leZanu PF liqhubeke libusa loba nje kusobala ukuthi lidonsanzima embusweni?

Sokumele kwenziweni ukuthi kulungiswe konke lokhu?

Ukuze kuphendulwe imibuzo le, iStudio 7 ixoxe loMnu. David Ndlovu okudale leCentral Committee kubandla leZanu PF loMnu. Mlamuli Nkomo ingcwethi kwezombusazwe ezimele yodwa.

UNdlovu uthe okunengi okwenzakala eZimbabwe kwenziwa yizijeziso zenotho ezafakelwa abalandeli bebandla leZanu PF, ubusela kanye lokungazwanani kukazulu.

Kodwa-ke uNkomo uthe ukuxokozela okuselizweni kwenziwa yikuluphala kukaMongameli Robert Mugabe onamathele esikhundleni lobusela obumangalisayo phakathi kweziphathamandla zakhe.

XS
SM
MD
LG