UMongameli Robert Mugabe usefake uMnu. Emmerson Mnangagwa loMnu. Phelekezela Mphoko ukuthi bebengabasekeli bakhe elizweni leZimbabwe.
UMugabe wethule umbiko ngoLwesine ntambama othi ababili laba bafakwe ezikhundleni lezi kulandelwa isisekelo sombuso welizwe.
Umbiko esiwuthole uvele ewofisini kaMugabe uthe kusetshenziswe isiqanyana sesisekelo sombuso welizwe okuthiwa yiparagraph 14(2) ye 6th Schedule.
UMongameli Mugabe uthe ababili laba bazabe bekhangelane ngenhlelo ezitshiyeneyo zikahulumende.
UMnangagwa uzabe elokhe ebambe uhlangothi lukahulumende lwezemithetho kuthi-ke uMphoko uzabe ekhangelane ngezokuxolelana lokuhlalisana elizweni.
UMugabe uthe efake ababili laba ezikhundleni lezi kubandla lakhe ngoLwesithathu ubike ukuthi bazabe besemawofisini besenza akufunayo.
NgoLwesini ntambama uMugabe uphinde wakhethe abazabe bephethe inhlangothi zikahulumende ezitshiyeneyo.
Kubikwa ukuthi ubesekhethe umfelokazi uNkosikazi Victoria Chitepo ukuthi abengumphathintambo wezabesifazane kodwa wamkhipha esizwe ukuthi useluphele okumangalisayo.
Kucatshangelwa ukuthi uzacina efaka umkakhe, uNkosikazi Grace Mugabe, esikhundleni lesi.
Abafakwe ezikhundleni ezitshiyeneyo babalisa abalandelayo:- Supa Mandiwanzira (Minister of Information Communication Technology), Samuel Undenge (Energy), Oppah Muchinguri (High Education), Simon Khaya Moyo (Economic Planning), Chris Mushowe (Youth and Indigenization), Mandy Chimhene (Provincial Affairs, Manicaland), Joel Biggie Matiza (Provincial Affairs, Mashonaland East), Prisca Mupfumira (Public Service), Chris Mutsvangwa (War Veterans) lomkakhe uMonica Mutsvangwa (Deputy Minister of Information) njalo loTsitsi Muzenda (Deputy Minister of Energy) umntaka muyi uMnu. Simon Muzenda.
Abakhe phansi ngabagoqela uNkosikazi Joice Mujuru owacatshengelwa ukuthi weyefuna ukubulala uMugabe labanye bakhe abathi – Dzikamai Mavhaire, Francis Nhema, Webster Shamu, Nicholas Goche, Didymus Mutasa, Simba Mudarikwa, Olivia Muchena loMunacho Mutezo.