amalinks wokungena

Breaking News

Ingcwethi Zithi uMugabe Kasenelisi Ukubusa iZimbabwe


UMongameli Robert Mugabe useleminyaka engamatshumi ayisitshiyagalolunye.
UMongameli Robert Mugabe useleminyaka engamatshumi ayisitshiyagalolunye.

Ingcwethi kwezombusazwe zithi uMongameli Robert Mugabe kasenelisi ukubusa ilizwe ngenxa yokuthi useluphele osokusenza ukuthi akhohlwe kumbe athathele khatshana akukhulumayo.

Ingcwethi ezixoxe leStudio 7 ezibalisa uMnu. Alex Magaisa ofundisa ekolitshini leKent University eBhilithane, uMnu. George Mkhwananzi loMnu. Bekithemba Mhlanga abazimele bodwa bathe kuyamangalisa ukuthi abasekeli bebandla leZanu PF benza engani kabakuboni ukuthi uMugabe seluphele.

Zithe akumangalisi ukuthi uMugabe ucine ethethisa ibandla lakhe esemhlanganweni omkhulu weCongress osanda kwedlula. Kubikwa ukuthi uMugabe uzwakale esithi “Pasi neZanu PF (Pansi leZanu PF) esethula umbiko wakhe emhlanganweni lo.

Kulabanye abacine bemtshela ukuthi kumele akhulume athini ngalokho abagoqela umkakhe, uNkosikazi Grace Mugabe, osanda kungena kusikhundla sikasibalukhulu webandla leli.

UMongameli Robert Mugabe useleminyaka engamatshumi ayisitshiyagalolunye.

Ingcwethi lezi zithi uMugabe kasoze enelise ukuvuselela umnotho welizwe loba nje kulabanye kubandla lakhe abalokhe bemlandela ngenhliziyo ezimhlophe nke.

Akesizwe ingcwethi kwezombusazwe ezizimele zodwa uMnu. George Mkhwananzi loMnu. Bekithemba Mhlanga bexoxa loGibbs Dube weStudio 7.

please wait

No media source currently available

0:00 0:04:39 0:00
Lapho esitholakala khona

XS
SM
MD
LG