Uhambo lukaMongameli Robert Mugabe kwele Russia solulethe inkulumo emphakathini kulabanye abamsekelayo abanye bethi akukhanyi akudingayo kulelozwe.
UMugabe wenze lolu hambo ukuyakuba khona emkhosini wokuthakazelela ukunqotshwa kweGermany empini yesibili yomhlaba wonke eye World War II.
Abasekela uMugabe bathi kulungile ukuthi aye kulelo lizwe njengoba iRussia ilobudlelwano obuhle leZimbabwe njalo amazwe la asanda kulobelana izivumelwano zokusebenzelana lokuthengiselana.
Abaphikisa uhambo lolu bathi uMugabe ukhanya esethekelela amazwe amanengi kulezi insuku okungaletheli lutho eleZimbabwe.
Kodwa omunye wabaku Zanu PF, uMnu. Bright Matonga, utshele iStudio lamuhla ukuthi uMugabe kumele ethekelele amazwe atshiyeneyo njengoba engumgcinisihlalo weAfrican Union leSouthern African Development Community (SADC).
Useyethekelele amazwe anjenge Japan, Indonesia, Namibia, Zambia, Algeria, Ethiopia, Tanzania leSouth Africa. Uhambo lweSouth Africa lukhanya ukuthi lwalubhadalelwe nguhulumende walelolizwe.