amalinks wokungena

Breaking News

KPMG: Sokulobusela Obumangalisayo Kwele Zimbabwe


Inkampani ebona ngokusetshenziswa kwemali kahulumende lakumankampani iKPMG ithi ubusela obumangalisayo bugcwele kwele Zimbabwe , eSouth Africa, Nigeria leKenya.

Inkampani le, eyethule umbiko we Afro-Fraud Barometer, ithi amazwe la alahlekelwe ngamabillion amabili amadollar-$2 billion, ngenxa yobusela kusukela ngoZibandlela kusiyafika uNhlangula lonyaka.

Kwele Zimbabwe ithi imbangela enkulu yikusetshenziswa kwamadollar eMelika, ama Rand eSouth Africa lemali yamanye amazwe.

Inkampani ye KPMG ithi abantu ababesenza imali enengi ngesikhathi kusasetshenziswa idollar le Zimbabwe balahlekelwe sokusetshenziswa imali yamanye amazwe.

Ngakho-ke laba bantu baqalisa ukudinga amaqhinga angekho emthethweni okuthola imali yokuthi baphile impilo yabanothileyo.

Ithi kuvamile njalo ukuthi abaphethe ingatsha zikahulumende bafumbathiswe nxa kudingwa abantu bokwenza imsebenzi etshiyeneyo kahulumende.

Iphinde yathi kulamankampani amanengi azenza amabhanga athwalise nzima abantu makhaza ngokufuna ukubhadalwa izikwelede sezile nzalo eqongileyo.

IKPMG ithe zinengi indlela amankampani, iziphathamandla zikahulumende, amapholisa labantu makhaza abathola imali ngendlela ezingekho emthethweni eziyenza ukuthi ilizwe lilahlekelwe yimali yokuthuthukisa umnotho.

Ukuze sihlaziye udaba sixoxe loMnu. Thabani Nyoni umqondisi we Bulawayo Agenda loMnu. Nkululeko Sibanda ofundisa ekolitshini le Huddersfied University eBhilithane abathe ubusela lokufumbathiswa kwele Zimbabwe sokudlulisa amalawulo.
please wait

No media source currently available

0:00 0:05:49 0:00
Lapho esitholakala khona
XS
SM
MD
LG