amalinks wokungena

Breaking News

Iqembu leHighlanders Lifuna Ukudlalisa uRalph Matema NgeSonto


Abaqeqetshi beqembu leHighlanders Football Club uCosmas Zulu loAmin Soma-Phiri. (Photo: Joseph Njani)
Abaqeqetshi beqembu leHighlanders Football Club uCosmas Zulu loAmin Soma-Phiri. (Photo: Joseph Njani)

Iqembu lenguqu ele Highlanders libike ukuthi lilakho ukudlalisa umgadli obedlala elizweni le South Africa uRalph Matema emdlalweni walo lele Caps United ngeSonto.

Isiphathamandla seqembu le Highlanders uNdumiso Gumede utshele umhlangano lentthelizindaba ukuthi amaphepha avela kuqembu le Witbank Aces akhulula umgadli uRalph Matema ukuba adlalele iqembu le Highlanders afike izolo njalo umqeqetshi weqembu le Highlanders uAmini Soma-Phiri uthi lumdlali ulakho ukudlala ngeSonto nxa engakhululwa yinhlanganiso ye Premier Soccer League.

USoma-Phiri uthi okumkhathazayo yikuba uMatema ubengadlali imidlalo eyemncintiswano kodwa wathi lumgadli ubesebenza kanzima ngesikhathi leliqembu lizilolonga.

Iqembu le Highlanders selinqobe kanye ladliwa kanye selokhu uSoma- Phiri ezibambe esidukwini esebenza ndawonye lo Cosmas Tsano Zulu kanye lo Melusi Mabaleka Sibanda.

Abaqeqetshi laba badingwe ukuba besize leliqembu engozini eyokugunyulwa kusigaba saphezulu njengoba bephiwe lumsebenzi ngesikhathi seliyehle layahlala kundawo yetshumi engalaneni.

Leliqembu lilokhu likundawo efanayo engalaneni kodwa uSoma-Phiri utshele intathelizindaba zemidlalo ukuba abadlali beqembu le Bosso kuzamele bazimisele ukusebenza gadalala ukuze leliqembu liphakame engalaneni yemiklomelo.

Iqembu le Highlanders lilakho ukuba libe lingela mvimbi uErick Mudzingwa yena ophethwe yisisu kanye lo Honest Moyo olimele iBosso idlala umdlalo wobungane leqembu le Bulawayo City ngeSonto edluleyo, ikanti abadlali abathi uDouglas Sibanda, uRahman Kutsanzira kanye lo King Nadolo bona bayaqhula kodwa bengenelisa ukudlala nxa bengaphola masinyane.

XS
SM
MD
LG