amalinks wokungena

Breaking News

Uhlelo lweCommunity Solutions Luthuthukisa Inhlalakahle Kazulu


Izizalwane zeZimbabwe ezimbili ezangena kuhlelo lweMelika lokuthuthukisa uzulu olweCommunity Solutions nyakenye langomnyaka ka2012, zithi sezisebenza ngcono okwamanje ngenxa yohlelo lolu.

UNkosazana Nothando Mpofu loMnu. Thomas Sithole batshele umphakathi lamuhla koBulawayo emawofisi esigodlo seMelika kwele Zimbabwe ukuthi konke abakuthola eMelika kwabanceda kakhulu.

Bathe olunye ulwazi abalutholayo ngolokuthi inhlanganiso ezizimele zodwa ezisebenza lozulu zilakho ukuqhuba umsebenzi zingela mali.

Zimbalwa izizalwane zeZimbabwe esezangena kuhlelo lolu oluphethwe yinhlanganiso ezimele yodwa eyeInternational Research and Exchanges Board eseMelika.

Abangena kuhlelo lolu ngabasakhulayo abakhaliphileyo abenza okutshiyeneyo okukhangelane lozulu. Sokulabantu abangamakhulu amabili lamatshumi amahlanu – 225 asebangena kuhlelo lolu selokhe lwasungulwa ngomnyaka ka2010.

Okwamanje sokudingwa abazangena kuloluhlelo ngomnyaka ka2015. Sixoxe loSithole otshele uGibbs Dube weStudio 7 ukuthi uhlelo lolu luqakathekile kakhulu.

XS
SM
MD
LG