WASHINGTON —
Abalimi abanengi eZimbabwe bathi babe lesivuno esihle okumangalisayo lonyaka esilakho ukuthi bathole ukudla kuze kuyefika umnyaka ka2016.
Abalimi laba abaseZvishavane, eGokwe, Hwange lezinye indawo zelizwe bathi okwenze bazuza isivuno esihle kangaka yikutholakala kwenhlanyelo, okokulimisa, izulu eleneleyo kanye lokuzimisela kukazulu okade esephila ngokucela kuhulumende lenhlanganiso ezizimele zodwa.
Esiqintini seGokwe lapho abatshaye khona inala yomumbu lotshinda, abalimi bathi bahlutshwa yikuthengisa abakuvunileyo njengoba kungela mikambo ethenga izivuno lezi ngemali ephezulu.
Kukanti-ke eGwanda North, esabelweni seMatabeleland South, bakhona abalesivuno esiphezulu labanye abangatholanga lutho emasimini.
UNkosikazi Simangele Dube uthi abantu abanengi bavune kahle lonyaka loba nje abanye bazafuna uncedo njengoba bengavunanga lutho.
Siphinde saxoxa njalo loMnu. George Moyo weGokwe South othi kunzima ukuthengisa utshinda lonyaka.
Kasenelisanga ukuxoxa loMnu. Joseph Made umphathintambo wezokulima njengoba kade engaphenduli umakhalekhukhwini wakhe.
Abalimi laba abaseZvishavane, eGokwe, Hwange lezinye indawo zelizwe bathi okwenze bazuza isivuno esihle kangaka yikutholakala kwenhlanyelo, okokulimisa, izulu eleneleyo kanye lokuzimisela kukazulu okade esephila ngokucela kuhulumende lenhlanganiso ezizimele zodwa.
Esiqintini seGokwe lapho abatshaye khona inala yomumbu lotshinda, abalimi bathi bahlutshwa yikuthengisa abakuvunileyo njengoba kungela mikambo ethenga izivuno lezi ngemali ephezulu.
Kukanti-ke eGwanda North, esabelweni seMatabeleland South, bakhona abalesivuno esiphezulu labanye abangatholanga lutho emasimini.
UNkosikazi Simangele Dube uthi abantu abanengi bavune kahle lonyaka loba nje abanye bazafuna uncedo njengoba bengavunanga lutho.
Siphinde saxoxa njalo loMnu. George Moyo weGokwe South othi kunzima ukuthengisa utshinda lonyaka.
Kasenelisanga ukuxoxa loMnu. Joseph Made umphathintambo wezokulima njengoba kade engaphenduli umakhalekhukhwini wakhe.