Kukhangelelwe ukuthi kuzaba lokusilela kwempahla enjengamafuthi okupheka eZimbabwe kulandela ukukhuphulwa komthelo we surtax nguhulumende osufika okwamanje kusilinganiso sokungamatshumi amane ekhulwini – 40%.
Umthelo lo obuyisilinganiso sokulitshumi ekhulwini–10%, wafakelwa impahla ethengwa kwamanye amazwe egoqela osepa le margarine.
Lokhu kwenzelwa ukuthi amafekithali eZimbabwe ayenelise ukulungisa lokuthola inzuzo ekuthengiseni elizweni lakwamanye amazwe.
Uhlangothi luka hulumende olwe Zimbabwe National Statistics Agency luthi impahla esithengwe kwele South Africa kusukela nyakenye ngoNcwabakazi isisedlula amabillion amathathu amadollar-$3.4 billion.
Uhulumende ucabangela ukuthi impahla le iphazamisa umsebenzi wamafekithali eZimbabwe.
Ukuze sihlaziye udaba lwesisindo somthelo we surtax, uGibbs Dube weStudio 7 uxoxe loMnu. Masimba Kuchera owenhlanganiso ye Center for Disability and Development.
UKuchera uthi kuyenzakala ukuthi kube lokusilela kwempahla etshiyeneyo ekupheleni komnyaka lonyaka.