amalinks wokungena

Breaking News

Uyantela uGrace Mugabe Esithi Kathintwa Kubandla leZanu PF


Unkosikazi Grace Mugabe
Unkosikazi Grace Mugabe

UNkosikazi Grace Mugabe uthi akulamuntu ongamvalela ukukhuluma intandoyakhe ebandleni leZanu PF njengoba elelungelo lokwenza lokho njengomgcinisihlalo wohlangothi labesifazana olweWomen’s League.

UNkosikazi Mugabe wethule lokhu eMurombedzi Growth Point esabelweni seMashonaland West lapho akade esemhlanganweni kazulu okade uqoqwe libandla leZanu PF.

Uphinde wazitshaya isifuba ngokuxotshisa owayengumsekeli kamongameli, uNkosikazi Joice Mujuru, kubandla leli. Uthe lomongameli Mugabe angeke amthulisa.

Abanye abalendeli bebandla leli banjengoMnu. Joseph Tshuma okudale leCentral Committee njalo omele iPelandaba kudale lephalamende, bathi kulungile okukhulunywa nguNkosikazi Mugabe.

Kodwa-ke ingcwethi kwezombusazwe ezimele yodwa, uMnu. George Mkwananzi, uthe kuyayangisa okukhulunywa nguNkosikazi Mugabe.

Abanye babantu akade besembuthenweni oqoqwe libandla leZanu PF eMurombedzi Growth Point.
Abanye babantu akade besembuthenweni oqoqwe libandla leZanu PF eMurombedzi Growth Point.

XS
SM
MD
LG