amalinks wokungena

Breaking News

IMavambo Kusile Ifuna Uhulumende Adilizwe


Ibandla leMavambo/Kusile/Dawn, lithi uhulumende womanyano kumele abhidlizwe kubunjwe ugatsha oluzaphatha intambo zombuso olubizwa ngokuthi yiTransitional National Authority kuze kwenziwe ukhetho olutsha.

Embikweni ewethule ngoMvulo, iMavambo Kusile ithe uhulumende lo kumele adilizwe ngoba sokusobala ukuba kasebenzi kuhle.

Yengeze yathi ugatsha lweTransitional National Authority lolu kumele lukhokhelwe ngabameli benhlanganiso ezizimeleyo, abamabhizimusi, abokholo kanye leziphathamandla zamabandla atshiyeneyo.

Kodwa lelibandla lithi abakhokheli bamabandla wonke ezombusazwe aselizweni akumelanga babe khona kulolugatsha, abagoqela uMongameli Mugabe loMnu Morgan Tsvangirai.

IMavambo Kusile ikhokhelwa nguMnu Simba Makoni, yena owaphuma kuZanu PF ngaphambilini kokhetho luka 2008.

Ukuhlaziya imbiko yeMavambo le, sixhume ingcwethi ecubungula ezombusazwe uMnu Bhekilizwe Ndlovu yena othi uMakoni lebandla lakhe bayaziphuphela nje.

XS
SM
MD
LG