amalinks wokungena

Breaking News

Yimi Ngedwa KuZanu PF Enginganqoba Kukhetho - Mugabe


UMongameli Mugabe uthi imbangela yokuthi aqhubeke encintisa kukhetho lanxa imihlathi yakhe sibuzana amavuko yikuthi nguye yedwa kuZanu PF onganqoba.

Kungxoxo ayenze lamaphephandaba kahulumende, uMugabe uthe kakho omunye ongamelana leMDC kubandla lakhe ngaphandle kwakhe.

UMugabe uthe kakalolongi ozathatha ubukhokheli beZanu PF, okuyinto ingcwethi ezithi iveza sobala ukuthi ufuna ukufela esikhundleni.

UMongameli Mugabe wenelisa iminyaka yokuzalwa engamatshumi ayithoba minwemibili lathoba minwe mibili, 88, ngoLwesibili. Uthe ukhetho luzakwenziwa lonyaka iMDC ifuna loba ingafuni.

Ekhuluma phezu kodaba lwabezomvikela, uMugabe uthe nguye yedwa olamandla okubakhetha, esithi iMDC akumelanga ikhonone ngaloludaba.

Uchaze ibandla leMDC njengenja eyazakala esigabeni ngokukhonkotha kodwa ingalumi. Ingcwethi ecubungula ezombusazwe uMnu Effie Dlela Ncube uthi uMugabe uyazikhohlisa nxa ecabanga ukuthi enganqoba kukhetho.

XS
SM
MD
LG