Icele leMDC elikhokhelwa yinhloko kahulumende uMnu Morgan Tsvangirai lithi lilakho ukuphikisa ukubunjwa kohlangothi lweBroadcasting Authority of Zimbabwe emthethwandaba.
Uhlangothi lolu lukhokhelwa ngumsekeli weZanu PF omkhulu uMnu Tafataona Mahoso njalo umlandu walo ngowokunikeza amalayisensi labo abafuna ukusakaza.
Kunyanga esanda kwedlula lunike amalayisensi imisakazo emibili ekhanya ilobudlelwano obukhulu lebandla leZanu PF.
Imisakazo le ngethi iZimpapers, okuyinkampani edinda amaphephandaba kahulumende kanye leZifm, ekhokhelwa nguMnu Super Mandiwanzira.
IZimpapers yona ithi isifuna ilayisensi yokusakaza kumabonakude. Le yinto ephikiswa nguzulu kanye leMDC njalo lelibandla lithi lizaqhubeka ngemizamo yalo yokudiliza iBAZ.
